Kuzakuqhawuka kuhlangana kule mpelaveki kwimidlalo yeMTN 8 ephakathi kwamaqela amane alwela ukudlala kumdlalo wokugqibela ozakuwanika ithuba lokuthatha indebe. Iqela eliphumeleleyo lizakufumana indebe ekhatshwa zizigidi ezisibhozo zeerandi.
NgoMgqibelo ngo’20:15 iBidvest Wits ebethe iCape Town City ngo’3-0 kiveki ephelileyo iya eCape Town Stadium kumlenze wesibini – apho kulindeleke ukuba ikhusele amagowuli wayo.
Lona iqela lika-Eric Tinkler kuya nyanzeleka ukuba lisebenze nzima kakhulu ukuba lifuna ukuguqula iziphumo zeveki ephelileyo. Kanti komnye umdlalo obalulekileyo iChippa United ityelela iMamelodi Sundowns, eLoftus Stadium, ngoLwesithathu weveki ezayo emva kokuba la maqela edlale ntanganye ngeqanda macala eBhayi kwiveki ephelileyo.
IPirates ibhale iincwadi zembali ngokutsha eMoses Mabhida Stadium!