Le yiveki ebalulekileyo kakhulu kusapho leMamelodi Sundowns ngoba kulindeleke ithathe indebe ye-Absa Premier Soccer League ngokusesikweni emva kwesizini ebintle kakhulu. I’solezwe lincokole nomlandeli omkhulu weli qela uHlumisa Makuzeni, osixelele ngothando lwakhe lwebhola ekhatywayo neqela lakhe.
Pedro Mapelo: Siyakwamkela kweli phephandaba. Ngokufutshane ungubani, uhlalaphi?
Hlumisa Makuzeni: Igama lam ndinguHlumisa Makuzeni, ikhaya likuQoboqobo kwilali ekuthiwa yiRabula, kodwa ngoku ndihlala eMdantsane kwaNU13.
PM: Uqale nini ukuba ngumlandeli weMamelodi Sundowns, ibhola yona uqale njani ukuyilandela okanye wancedwa ngoobani?
HM: Ndiqale ukulandela iMamelodi Sundowns ngo-2014, ndincedwa nguMzala wam uSive Makhuzeni.
PM: Kunjani ukuba ngumlandeli weSundowns?
HM: Kumnandi kakhulu ukuba ngumlandeli wayo kuba indenza ndizive ndonwabile ngendlela edlala ngayo, kwaye ke njengelungu leWomen’s Forum okanye Yellow Divas indenza ndixakeke zizinto zasekuhlaleni apho sinceda khona uluntu.
PM: Kubaluleke ngantoni ukuba yinxalenye yesebe labalandeli?
HM:Kubaluleke kakhulu ngoba zininzi izinto endizifundileyo lo gama ndilapha kuyo. Umzekelo: indlela yoziphatha xa ungumlandeli, ukusebenzisana nabantu nokunceda apho kudingeka uncedo khona…Abantu abadlala indima ephambili kwisebe laseMdantsane:
NguMninawe Meyeseli, * -Andile Ndudula, uWiseman Makolota, uBulelwa Mhlontlo, uBusisiwe Nobavu noSive Makhuzeni.
Abanye ngaba: nguMhleli Ngcobozi, uWiseman Sogoni, uBukobakhe Sibobi, uMarcus Morake noLwazi.
PM: Uziva njani njengokuba iDowns iqhuba kakuhle kule sizini?
HM:Ndiziva ndonwabe kakhulu kuba idlala ngeyona ndlela incomekayo, kwaye izimisele kakhulu.
PM: Ngubani oyena mdlali umthandayo kuba kutheni?
HM: NguKhama Billiat, ungumdlali ozimiseleyo kakhulu kwaye ulithemba lethu (CBD).
PM: Khawusiphe iqela lakho njengomlandeli omkhulu.
Kufanele yenze ntoni iSundowns ukuze iqhube kakuhle kwimidlalo yeCAF?
HM: Kufanele izimisele ngamandla itshintshe abadlali ukuze bafumane ixesha eloneleyo lozilolonga.
PM: Khawusiphe iqela lakho njengomlandeli omkhulu.
HM: Khama Billiat, Keagan Dolly, Hlompho Kekana, Leonardo Castro, Tiyani Mabunda,
Ntethe,
Mzikayise Mashaba, Dennis Onyango, Wyne Arendse, Tebogo Langerman noRamahlwe Mphahlele.
URamaphosa uyiqhwabele izandla iEPWP encede abantu abaninzi