Ikomiti yePSL esombulula iimbambano ilikhabile ibango likaJoseph Molangoane elithi akanasivumelwano neChippa United izolo. Lo mdlali akabuyelanga kwinkampu yeeChilli-boys ekuqaleni kwesini kuba esithi safikelela esiphelweni isivumelwano sakhe neli qela.
Lo mdlali neChippa zithawuzisene phambi kwePSL ngenxa yomba wesivumelwano emva kwesimangalo esafakwa nguye. Izolo iChippa ikwamkele ukusombulula lo mba ngaphandle kwenkundla. Lo nto ithethe ukuthi uMolangoane uvumelekile ukuba angathathwa yiKaizer Chiefs enexesha elide imzulela – kodwa yonke lo nto ixhomekeke kwiChippa. Siye kushicilelo izolo kungekacaci kakuhle ukuba uzakudlalela eliphi iqela lo mdlali. Kwelinye icala iBidvest Wits ibhengeze ngokusesikweni uSifiso Myeni njengomdlali wayo omtsha. Lo mdlali wabekwa kuluhlu lwabadlali abathengiswayo yi-Orlando Pirates ekuqaleni kwinyanga ephelileyo. Ukubuyela kukaMyeni kwiWits kuza kuyincedisa kwiinzame zayo zokufumana indebe kule sizini.
UHugo Broos uzityanda igila ngokudlalisa uVeli Mothwa izolo