Kule veki I’solezwe lidlene indlebe nosihlalo weMamelodi Sundowns Supporters Club, * -Andile Ndudula.
Le ndedeba ezingomba isifuba ngeqela layo ibalisele eli phephandaba ngohambo lwakhe njengomlandeli weeBrazilians.
Pedro Mapelo: Siyakwamkela kweli phephandaba mhlekazi.
Andile Ndudula: Ndiyabulela kuwe nam.
PM: Sibalisele nje ngokufutshane: watsalwa yintoni kwiDowns?
AN: Mna ndaqala ukuzithandela iSundowns ngela minyaka yePiano neShoe-shine. Indlela eyayiyidlala ngayo ibhola yandenza ndayithanda kakhulu. Kodwa enye into endiyithandayo ngeDowns kukuba abantu bayo bachubekile.
PM: Kutheni abalandeli kufuneka babeyinxalenye yeMdantsane Mamelodi Sundowns Supporters Branch?
AN: Xa sindawonye kubalula ukunqwanqwadana kwizinto ezithile. Sikwafundisana ngezinto zeqela lethu. Kuninzi esikwenzayo, asiphelelanga ekulandeleni ibhola nje kuphela.
PM: Uziva njani njengokuba niziintshatsheli ze-Afrika?
AN: Xa uthetha nge-Afrika, ndivele ndivuye kakhulu emva kwale mpumelelo. Ngoku iDowns ikwelinye inqanaba. KwiClub World Cup sizohamba nzima ngoba iyadlalwa ibhola phaya.
PM: Ulindele ntoni kwiMamelodi Sundowns kule sizini?
AN: Inye into endiyifunayo: kufuneka ikhusele indebe yePSL. Kufuneka sidlale kwiCaf Champions League rhoqo ngoku.
UNdlozi ubhengezwe njengomsasazi omtsha wePower FM