Siyivule ngempumelelo itumenete yeSuper Rugby iStomers. IStomers sibethe iJaguares zase-Argentina ngo’28-20, kwibala laseNewlands, eKapa. Nangona ephumelele amakhwenke kaRobbie Fleck, ayincumisanga indlela adlale ngayo. IiJaguares ibeliqela lokuqala ukufumana amanqaku kulo mdlalo emva kokuba umdlali uNicolas Sanchez eze namanqaku amathathu kwimizuzu emihlanu uqalile umdlalo, kodwa ukuwa emgceni kukaDamain De Allende emva kokuqhekeza phakathi kumadoda angasemva eJaguares kuko okubangele bame ngenyawo abalandeli baseKapa nebebechithe imizuzu emlishumi yokuqala yomdlalo benxunguphele.
Isiqingatha sokuqala somdlalo siphele benkqenkqeza phambili abafana baseKapa ngo’15-3 emva kokuba uSiya Kolisi ephinde wayolala emgceni. Abuye ngamadla amandwendwe ase-Argentina esiwa emgceni izihlandlo zazibini, kodwa ukuwa emgceni kukaRaymond Rhule nobedlala umdlalo wakhe wokuqala kwiStomers kuphinde kwabuyisela ukuzithemba kweli qela, bencedwa nalinqina likaDamien Willemse. Ikhadi elityheli elinikwe ifolosi yeStomers, uRamone Samuels, ngomzuzu wamashumi asixhenxe anesibini, kuwanike ithuba lokuwuba umdlalo amakhwenkwe ase-Argentina, kodwa ukunkonya ibhola kukaNicolas Sanchez bekhona oogxa bakhe ecaleni kwakhe kuqinisekise ukuba siyaphumelela iStomers emdlaleni. Impumelelo yeStomers ithethe ukuba iJaguares alikawabethi amaqela akweli kule tumente.
Kuvulwe isikolo esixabisa iR106-million KwaMaxhama