Omnye wabadlali
abaphambili ebholeni yaseMzantsi Afrika, uTeko “The general” Modise, ubeke
phantsi ngokusesikweni namhlanje njengomdlali webhola ekhatywayo. Oku
kubhengezwe kwikhasi lonxibelelwano uTwitter,
uModise. Ngaphandle kwamathandabuzo, uModise ngomnye wabadlali abaqaqambileyo
abaveliswe eMzantsi Afrika. Lo nto wayibonisa ngethuba edlalela amaqela afana
neSuperSport United, i-Orlando Pirates, aBafana Bafana neMamelodi Sundowns.
Wagqama kakhulu
edlalela iPirates wade waphumelela amawonga abalulekileyo ebholeni yelizwe.
Emva kweengxaki ezaphazamisa indlela edlala ngayo kwiPirates, uModise waya
kwiSundowns – apho waphumelela indebe ye-Absa Premier Soccer League. Uze
kwiCity kwiminyaka yakhe yokugqibela emva kokungadlaliswa yiSundowns. “Indlela
yam eya kwindawo yokuzilolonga inomahluko namhlanje. Andazi nokuba mandikhale
okanye ndincume. Inye into endandiyifuna ebomini bam: kukuba ngumdlali webhola
ekhatywayo,” utshilo uModise. Uza kudlala okokugqibela xa iCity idlala neBlack
Leopards ngoMgqibelo.
Baphume bebokoboko enkundleni abanchase uMandla uNtlanganiso