Imbaleki ephume izandla, uCaster Semenya, uya eNgilane apho azalulwela iimbasa zegolide okokuqala kwi-IAAF World Championships.
UCaster yintshatsheli ye-800m emva kokuphumelela kwi-Olimpiki kunyaka ophelileyo, ngoku kulindeleke azigxame nakwi-1,500m emva kokwamkelwa kwesicelo sakhe yi-Athletics SA.
Le mbaleki izakuba yeyesithathu ezakubaleka kwizintlu ezahlukeneyo kwinqanaba lehlabathi ngokufanayo noWayde van Niekerk ozakube ebaleka kwi-200m ne-400m no-Akani Simbine obaleka i-100m ne-200m.
Iqela elizakumela uMzantsi Afrika kwi-IAAF World Championships libhengezwe ekuqaleni kwale veki yi-Athletics SA enike ilungelo uCaster Semenya ilungelo elipheleleyo lokubalekela iigolide ezimbini.
Bobabini uVan Niekerk noCaster baqhube kakuhle kwiDiamond League ebibanjelwe eMonaco kwiveki ephelileyo.
Elinye lamathemba oMzantsi Afrika kwicala lee mbaleki uSimbine ubenako ukubetheka kangangokuba ibambe indawo yesithathu kugqatso oluphunyelelwe yintshatsheli yehlabathi, * -Usain Bolt.
Amagama eembaleki eziya kwiWorld Championships:
Amadoda: – Akani Simbine (100m, 200m), Thando Roto (100m), Pieter Conradie (400m), Wayde van Niekerk (200m, 400m), Clarence Munyai (200m), Antonio Alkana (110m hurdles), Stephen Mokoka (10 000m), Luvo Manyonga, Ruswahl Samaai, Zarck Visser, Orazio Cremona, Jaco Engelbrecht, Rocco van Rooyen (Javelin), Lebogang Shange.
Abemigama emide: Lusapho April, Sibusiso Nzima, Desmond Mokgobo.
Amanenekazi: Carina Horn (100m), Caster Semenya (800m, 1 500m), Wenda Nel (400m), Sunette Viljoen (Javelin), Justine Palframan (4x400m relay, 200m), Gena Lofstrand (4x400m relay, 800m), Ariane Nel (4x400m).
Abemigama emide: Jenna Challenor, Mapaseka Makhanya.
pedro.mapelo@inl.co.za
Abafana Bes’thende babambene neTS Galaxy emdlalweni weBetway Premiership!