Indadi yelizwe loMzantsi Afrika, uChad le Clos, ugqwesile kwakhona kukhuphiswano lweendadi zehlabathi. Lo kaClos ufumene imbasa yeFina World Championship emva kokufumana eyokuqala imbasa kwiveki epheleliyo.

UChad ufince ugqatso kwixeshana eliyi-1:41.65; emva kwakhe kulandele ixhwangusha laseKorea, uTaehwan Park, olandelwe ngu-Aleksandr Krasnykh welizwe laseRussia. UPark wenze ixesha eliyi-1:41.03 kanti yena uKrasnykh wenza u-1:41.95.

Le ndadi yaseThekwini, uChad le Clos, ivule kakuhle ukhuphiswano ngoLwesithathu ngokufumana iGolide kwi-200m butterfly kwindawo ekuthiwa yi-Ontario.

Zombini ezi mbasa azifumeneyo uChad kulo nyaka, wayezifumene nango-2014. Ngoku iimbasa eziqokelelwe nguChad kwiShort Course World Championship zisixhenxe ezeGolide nezimbini zeSilivere.

Kulindeleke afumane amanye amathuba kwizigaba ezithathu phambi kokubuyela ekhaya. Iqela lababhinqileyo elimele uMzantsi Afrika lenziwe ngaba bantu balandelayo: Alexandra de Loof, Lilly King, Kelsi Worrell noKatrina Konopka.