Kugqityiwe, uSteve Pienaar ukhethe ukudlalela iBidvest Wits! Emva kokwenziwa kwamaqashiso isithuba esingangenyanga ngekamva likaPienaar, ngoku ufumene ikhaya elitsha. Lo mdlali, 35, ubuyele eMzantsi Afrika emva kokudlala iminyaka engaphaya kweshumi elinesithandathu eYurophu – apho adlalele amaqela afana ne-Ajax Amsterdam neSunderland namanye.
USchillo, owayefudula edlalela iBafana Bafana, uzakuqinisa iWits ezimisele ukuthatha apho iyeke khona emva kokuphumelela iMTN 8 ne-Absa Premiership kwisizini edlulileyo. Phambi kokutyikitywa kwakhe yiWits, uPienaar ebesoyanyaniswa namaqela amakhulu aquka iKaizer Chiefs, i-Orlando Pirates neMamelodi Sundowns. Kugaleleka lo mdlali kweli qela emva kokuba lityikitye uDaylon Claasen.
Silungiselela ukukhusela indebe yethu kwiWafcon, utsho uDesiree Ellis