UGyimah ukhethe ukulishiya iBhakaniya!

By
Zukiswa Tshaka
-
Edwin Gyimah of Orlando Pirates during the Absa Premiership match between Orlando Pirates and Bloemfontein Celtic at the Orlando Stadium in Johannesburg on the 20 December 2016©Samuel Shivambu/Backpagepix

I-Orlando Pirates iqinisekise ukuba imkhulule umdlali odlala ngasemva waseGhana, u-Edwin Gyimah, iphendulla isiceloo esifakwe ngulo mdlali.

UGyimah waba nengxabano nalowo wayengumqeqeshi uMuhsin Ertugral emva komdlalo ne-Ajax Cape Town ngoSeptember kunyaka ophelileyo. Eli qela laseSoweto laphanda isizathu sengxabano phakathi komqeqeshi nomdlali, liphinde laveza ukuba uGyimah wafaka isicelo sokukhululwa kweli qela phambi kwemidlalo ye-Africa Cup of Nations, ebiseGabon kutshanje.

Ingxelo yeqela ifundeka ngolu hlobo: “ Siyi-Orlando Pirates siwuqhawule umtshato no-Edwin Gyimah. Iqela livumile ukumkhulula umdlali ngokwesicelo sakhe. UGyimah wafaka imbalelwano ngaphambi kokuya kwakhe kwimidlalo ye-Africa Cup of Nationa – apho wayemele ilizwe lakhe iGhana. Iqela lamkele isicelo sikaGyimah kwaye limqwenelela okuhle kodwa emadlelweni wakhe aluhlaza.

UGyimah ebeyingxenye yeBlack Stars ezingadlalanga kakuhle kwi-2017 AFCON – apho iqela liphume kwindawo yesine kule tumente ebiseGabon. Isizathu sokucela ukukhululwa kweli qela ezixelwanga. UGymah wadlala imidlalo eyi-38 kuMabhakabhaka esuka kwiSuperSport United.

RELATED ARTICLESMORE FROM AUTHOR