Kwiveli ephelileyo, iMaritzburg United, ityumbe uMandla Ncikazi njengomqeqeshi omtsha weli qela nongene endaweni kaSteve Komphela, otyikitywe yiKaizer
Chiefs kwinyanga ephelileyo.
Lo kaNcikazi unyuselwe, usebenze kakhulu kweli qela ithuba elide elisekela labaqeqeshi abaqeqeshe kweli qela ngaphambili abaquka uKompela.Usihlalo weMaritzburg United, uFarouk Kadodia, udize izinto afuna zenzeke nezilindilekileyo kulo mqeqeshi nakubeni emtsha.
Le ndedeba yakwaKadodia ithe ifuna iqela layo lilwele ukufumana indebe kweziliqela ezidlalelwa kwi-Premier Soccer League, enye into ayifunayo kukuba iMaritzburg ihlale phakathi kwamaqela asibhozo aphambili nakwisizini ezayo.
UKadodia ukuthethe oku emveni kokuba eli qela liphethe isizini likwindawo yesibhozo okokuqala phantsi kwesandla sikaKomphela. Umsebenzi omkhulu ojongene noNcikazi kukulungiselela isizini entsha eza kuqala kwinyanga ezayo kunye nendebe yeMTN8 abaza kuvula ngayo ngokuthi badlale neKaizer Chiefs, eqeqeshwa nguSteve Komphela osuka kweli qela.
Kubanjwe abarhanelwa abangama84 kwisithili saseSarah Baartman