USamuel
Julies uphindile kwakhona! Lo mdlali uyithathe iChippa United wayibeka endaweni
entle kwakhona emva kokufaka amagowuli amabini ngethuba iqela lakhe libetha
iBidvest Wits ngo’2-0 kumdlalo we-Absa Premier Soccer League obushushu ngendlela
engumangaliso eBidvest Stadium izolo ebusuku.
Le yimpumelelo yesibini yeeChilli
Boys imidlalo ilandelelana kweyePSL emva kokudlala ntanganye imidlalo emihlanu
ilandelelana phantsi komqeqeshi obambeleyo – uTebogo Moloi. Ngoku iqela
likaTebogo Moloi lithe ngcu kwindawo yesithandathu emva kokuqokelela amanqaku
alishumi elinesine kwimidlalo elishumi.
Njengoko
bekulindelekile, abadlali beWits bahlasele kuqala besebenzisa ifolosi eyingozi,
u-Amr Gamal, kwakwimizuzu yokuqala emdlalweni – kodwa izinto azimhambelanga
kakuhle. Omabini la maqela azamile ukudala amathuba kwisigaba sokuqala somdlalo
– kodwa kude kwayiwa kwixesha lokuphumla kungekho elibhalisileyo ebhodini.
IiChilli Boys zibuye zonyanyile kwisigaba sesibini. UMarko Paseka uphekuze
amadoda kufutshane emhlabeni oyingozi weWits – uthe gqi uJulies
engabhungisanga, wayibeka endaweni entle iChippa ngegowuli lokuqala. Akubanga
kudala waphinda elesibini – ngelo xesha ixesha beselisondela ekupheleni. Eli qela
laseMpuma Koloni lifumene impumelelo yalo yokuqala kude nekhaya namhlanje.
Bidvest Wits: Keet, Allie, Hlatshwayo, Khumalo, Scott,
Klate, Gamal, Pelembe, Pule, Hlanti, Mlambo.
Chippa United: Akpeyi, Macheke, Okwuosa, Konqobe, Maphanga,
Mvelase, Mdlinzo, Mabaso, Mako, Lentjies, Sekola.
Ababezenza amapolisa baphanga usapho, baqhotsa batya inyama yabo!