Iqela laKwaZulu Natal, iMaritzburg United, libhenge ishumi lonke labadlali abatsha abazakuthi balithathe balibeke endaweni ebhetele ekupheleni kwesizini ka’2016/17. Oku kwenzeka emva kokuba iTeam of Choice iphantse yathotyiselwa kwinqanaba elingezantsi kwisizini ephelileyo.
Ngoku iqokelela konke okunokuthi kuyincede futhi ibuyele kwindawo yayo iMaritzburg United kwibhola yoMzantsi Afrika. Abadlali abafikayo ekulindeleke badlale indima ebalulekileyo nguBevan Fransman osuka kwiBloemfontein Celtic noBryce Moon obedlalela iMpumalanga Black Aces kwisizini ephelileyo. Omnye wabadlali okhe wasebenza no-Ernst Middendorp ngethuba ekwiFree State Stars, igama lakhe ngu-Andrea Fileccia.
Lo mdlali, 24, ufake amagowuli amathandathu phantsi kwegama lakhe kwisizini ephlelileyo.
Uluhlu labadlali nalu: nguBongani Mpande, Lebohang Maboe, Luyanda Ntshangase, Devon Saal, Bryce Moon, Themba Tshabalala, Blessing Moyo, Andrea Fillecia, Bevan Fransman and Dennis Wieldiech. Eli qela likwanyusele uSiphesihle Ndlovu, Mondli noTso Motjatji abadlale kwiMulti-Choice Diski kwisizini edlulileyo.
Usihlalo we-United, uFarook Kadodia uthi ukufika kukaMiddendorp kuko okuyisindise ezembeni. “Emva kokufika kwakhe izinto zaba ngcono, yiyo lo nto simnike iminyaka emibini. Siqinisa eli qela ukuze yonke into ihambe ngokwezicwangciso zethu naye,” utshilo uKadodia.
Ababezenza amapolisa baphanga usapho, baqhotsa batya inyama yabo!