UKatsande uncede Amakhosi

Igowuli elifakwe nguWillard Katsande kwisigaba sesibini somdlalo, linike iKaizer Chiefs impumelelo ngethuba bedlala neBloemfontein Celtic eFree State Stadium.

Iqela laseNaturena lifumene amanqaku apheleleyo athe alisondeza kumaqela aphala phambili kwiPSL.

Isiqingatha sokuqala siphele la maqela enkonye iqanda macala. Njengeqela ebelidlalela ekhaya, iBloemfontein Celtic, yiyo ehlasele kwakwimizuzu yokuqala. Ibiqhayisa ngala mdlalo wayo ubalekayo kusetyenziswa amaphiko. Lo msebenzi ubukhokelwa nguMusa Nyatama, Hellings Mhango noLerato Lamola , kodwa uReyaad Pieterse ebethe qwa ezipalini. Kanti nayo iKaizer Chiefs inkqonkqoze amatyeli amaqela kwaye ineebhola eziyingozi ezinqandwe ngunozinti weCeltic, uPatric Tignyemb. UGeorge Maluleka, uCamaldine Abraw noSiphiwe Tshabalala, batsho bancama ingavumi iCeltic.

Abadlali basemva beChiefs besenza iimpazamo kodwa iifolosi zeSiwelele zawaphosa. UWilliam Twala ofikayo kweli qela, wenze umahluko zisuka. Ithemba laMakhosi uWillard Katsande, ufake igowuli ngomzuzu wamashumi asixhenxe nanye. Iziphumo zePSL: Cosmos 1-2 Ajax, Free State Stars 2-1 Platinum,