ULakay uyinkankathe ngenduku iGolden Arrows ngokuhlwa kwanamhlanje

By
Pedro Mapelo
-
Fagrie Lakay of Cape Town City celebrates goal during the Absa Premiership match between Golden Arrows and Cape Town City on the 29 August 2020 at Emirates Airline Park, Pic Sydney Mahlangu/BackpagePix

Iphulukene
nomdlalo wayo wesibini iGolden Arrows emva kokucanjalaliswa kabuhlungu
ngamagowuli amane kwelinye (4-1) yiCape
Town City
ekelemileyo emdlalweni we-Absa Premiership ngokuhlwa kwanamhlanje e-Emirates Airline Park. UFagrie Lakay wenze idemesha engasoze ilityalwe ngokubhakuzelisa umnatha kathathu eyedwa emdlalweni wanamhlanje eqinisekisa okokuba iCape
Town City
iqhubela phambili nomsebenzi omhle ukusukela oko kuthe kwabuyelwa emabaleni
ngamaqela abekhe ahlala phantsi ixesha elide ngenxa yekhorona eswantsulisa
ihlabathi. Umdlalo ubumhle, omabini amaqela ebedlala umdlalo omhle
okhawulezayo. Kuyiwe ekhefini iCape
Town City
ihamba phambili ngamagowuli amabini afakwe yifolosi eyingozi, uLakay.

Omabini
amaqela akhuphe abadlali bawo abaphambili ngenxa yokonzakala. UKermit Erasmus
uphumile, endaweni yakhe kwafakwa uTashreeq Morris endaweni yakhe yiCape Town
City. Yona iGolden Arrows ikhuphe uSiboniso Conco, yafaka uSiyabonga Dube. UMorris
ufake igowuli leCity – kodwa amakhwenke kaSteve Komphela alifumene igowuli
lokubika elifakwe nguKnox Mutizwa emshiye uLeeuwenburgh engazi nokuba makathini
ezipalini. Ukuphumelela kweCity kuthetha ukuthi iza kuhlala kwindawo yesixhenxe
– kanti yona iGolden Arrows iye kwindawo yeshumi elinanye. Emini namhlanje, i-Orlando
Pirates ibethe iSuperSport United ngo’2-1, iHighlands Park
ibambene neMaritzburg United, wona AmaZulu abetha iLeopards ngo’1-0.

 

 

RELATED ARTICLESMORE FROM AUTHOR