Ifolosi yeBidvest Wits, uPhakamani Mahlambi nomqeqeshi weMamelodi Sundowns, uPitso Mosimane, bathiwe jize ngamawonga okuba ngumdlali nomqeqeshi ogqwesileyo benyanga edlulileyo.
UMahlambi, 18, sisitshovu-tshovu esizibalule ngokufaka amagowuli amane kwiWits kule sizini, wadlala kakuhle kwi-Under 23. “Khange ndikholelwe xa kuthwa ndim.
Ndiyambulela umqeqeshi wam kunye noogxa bam,” utshilo uMahlambi esamkela iwonga. UPitso uthathe iTelkom Cup, iqela lakhe liphezulu kwiPS L, akakoyiswa kwishumi elinesine lemidlalo.
“Mandibulele kwabo bathe bachonga mna. Mandimhalalisele uPhakamani Mahlambi naye.
Baninzi abantu abanegalelo kweli wonga, ngakumbi abadlali. Into yam kukulamkela nje egameni le qela lam,” utshilo uPitso.
Umqeqeshi weSundowns uncoma uLucas Ribeiro owonzakalise iPirates