Namhlanje usihlalo we-Orlando Pirates, ugqirha Irvin Khoza, ubhengeze iindaba ezothusayo ezithi u-Oupa Manyisa uzakudlalela iMamelodi Sundowns. Lo mdlali utyikitye iminyaka emithathu yonke kwiDowns. Kwangaxeshanye uKhona ubhengeze uMilutin Sredojevic njengedoda ezakuqeqesha iPirates ekwangena endaweni eshiywe nguKjell Jonevret ogqibe kwelokuba alahle izolo. UManyisa ulibangisa eChloorkop emva kokuba ekhokele iPirates evale isizini ka’2016/17 ikwindawo yeshumi elinanye kwiPSL – into engazange yenzeka kwimbali yayo ukusukela ngo’96. Ugqirha Khoza uthethe wenjenje ngokumka kukaManyisa nokubuya kukaMicho.
Milutin Sredojevic, Coach of Uganda reacts during the 2017 Africa Cup of Nations Finals match between Uganda and Mali at the Oyem Stadium in Gabon on 25 January 2017 ©Samuel Shivambu/BackpagePix
“Uya kwiMamelodi Sundowns ngokusesikweni u-Oupa Manyisa. Wenze imbali engumangaliso kwiPirates. Asithengisi badlali, ngoku sisaxakekile. Sizama ukugqibezela iinkcukacha ngotshintshiselwano lwabadlali,” utshilo uKhoza.
Iingxelo zithi abadlali abangaya kwiPirates babini nguSiyanda Zwane no-Asavela Mbekile – bobabini ngabadlali abadlala emva ephikweni.
Kuvulwe isikolo esixabisa iR106-million KwaMaxhama