Umqeqeshi weeBulls, uNollis Marais, wenza utshintsho labadlali ababini kwabo bebequbisene neStomers kwiveki iphelileyo.
Lo mqeqeshi ebebhengeza abadlali abazakudlala xa iqela lakhe liqubisana nelona qela linzima kwiSuper Rugby kule sizini, iiLions. Izakube ingowona mdlalo mkhulu lo kwiSuper Rugby ingakumbi kweli loMzantsi Afrika, uzakudlalelwa eLoftus ngokuhlwa ngomso.
Umdlali wasephikweni uTravis Ismaiel akafakwanga kwiqela elizakudlala kule veki ngenxa yeengxaki zakhe. Indawo yakhe izakuthathwa nguBjorn Basson.
Inzalelwane yaseQonce nedlala njengomdlali ogabangxayo kwiiBuls, uBandise Maku, nayo izakufumana ithuba
endaweni kaJaco Visagie. Ukungabikho kukaElton Jantjies owenzakele kwiveki ephelileyo kwiiLions kuzakunika iiBulls ithemba lokuba zingenza unothanda esanzulwini sebala.
Lo ngumdlalo ozakubonisa ukuba zibheka phambili okanye zibuya umva na iiBulls kwiSuper Rugby yalo nyaka.
Luthatha lubeka usapho obeluthenjiswe ngoncedo kumngcwabo womzali ogetyengiweyo!