Emva kokuphoxeka kwabalandeli beChippa United yindlela edlale ngayo kwisizini egqithileyo, omnye wabalandeli bayo uthi ithemba unalo njengokuba kusondela isizini entsha.
Pedro Mapelo: Bhota Mhlekazi, unjani?
Umlandeli: Ndiphilile Bhuti, unjani wena?
PM: Kuhle ngapha. Gqaba-gqaba, ungubani Mhlekazi?
Umlandeli: Igama lam ndinguMzingisi Matata. Ndihlala apha eMonti kwindawo ekuthiwa kuseAmalinda.
PM: Ndiyabulela ngokuzichaza. Khawutsho, kutheni uthanda iChippa United?
Mzingisi Matata: Eyona nto eyabangela ngizithandele iChippa United kungokuba lelona qela esinalo kweli phondo elidlala kwaPSL. Enye into endayithandayo luhlobo lwebhola iChippa eyidlalayo. Intle kakhulu, ingathi kudlala iBarcelona xa kudlala yona.
PM: Kodwa ungathi yintoni eyakutsalayo kwiChippa?
MM: Kudala ndandilandela iBush Bucks, kwathi xa kuvela iChippa le – ndalandela yona kuba izisa imidlalo emikhulu kwiphondo lethu. Enye into ebalulekileyo kukuba ndiyayithanda kakhulu ibhola.
PM: Yintoni ongasoze uyilibale ngeChippa?
MM: Ukuvala kwayo isizini ikwiTop 8 kwisizini engaphaya kwale iphelileyo yaba yinto enkulu kakhulu. Ndabanebhongo kakhulu ngayo. Inye nje into endikhathazayo apha kuyo: kukuthengisa abadlali bayo abagqwesileyo.
PM: Unethemba kule sizini izayo?
MM: Ndinethemba elikhulu ke kwisizini ezayo. Ukufika kwabadlali abafana noKurt Lentjies yinto encomekayo kakhulu. Ndinethemba nyhani lokuba singaqhuba kakuhle ukuba bayamgcina uDan Malesela. Ngoyena mqeqeshi obangela sidlale ibhola entle.
PM: Ngubani umdlali omthandayo?
MM: Umdlali endimthandayo mna nguDaniel Akpeyi. Umdlalo umhle kwaye uyaphucuka. Ndiye ndavuya xa simbona edlalela iqela lasezwe laseNigeria kutshanje.
Libanjelwe isatifikethi sikaGrade 12 somgunyathi iGosa lezeMpilo