UMbenge ubuyela ekhaya

Imbethi-manqindi esaze ngobuso elizweni, neyinzalelwane yaseMdantsane kodwa izinze kwiphondo laseGauteng uThulani “Evolution” Mbenge, uphakathi kweembethi-manqindi ezizakuthatha inxaxheba kwitumente yeRumble Africa eMdantsane Indoor Sports Centre ngoMgqibelo.

Lo kaMbenge uzakulwa okokuqala phambi kwabathandi nabalandeli bezamanqindi beli phondo, emveni kokonyukela kudidi lwabahlawulwayo kunyaka odlulileyo.

UMbenge uyiphumelele yomine imilo yakhe kudidi lwabahlawulwayo ewangqengqisa amadoda.

Phakathi kwamaxhoba akhe, singabalula uAndile Mabilisa, Thabo Mnguni, Vusi Bilankulu noMakhosonke Abrahams.

Lo mlo nokwididi lweWelterweight unemijikelo emithandathu, nalapho uThulani Mbenge ezakuqubisana no-Antonio Mayala wakwiphondo laseNtshona Kapa.

KWEMINYE IMILO

Kudidi lweJunior Featherweight kwimijikelo esibhozo

-Siphosethu Mvula (D/village) vs Siviwe Hasheni (M’sane).

Kudidi lweFeatherweight kwimijikelo esibhozo

-Azinga Fuzile (D/village) vs Aphiwe Kelewu (M’sane).

Kudidi lweJunior Featherweight kwimijikelo emithandathu

-Ludumo Lamati (M’sane) vs Luthando Mbumbulwana (Mthatha).

Kudidi lweFeatherweight kwimijikelo emithandathu

-Aphiwe Masangwana (D/village) vs Dumisani Tose (D/village).

Kudidi lweFlyweight kwimijikelo emithandathu

– Xolisile Voyi (M’sane) vs Siphosethu Mhlahlo (D/village).

Kudidi lweFlyweight kwimijikelo emithandathu

-Sinethemba Kotana (M’sane) vs Yanga Sigqibo (D/village).

Kudidi lweFlyweight kwimijikelo emithandathu

-Siyanda Tona (M’sane) vs Siviwe Jonas (iGoli).

Kudidi lweFlyweight kwimijikelo emithandathu

-Nkosikhona Speelmandla (EL) vs Okuhle Ngaka (M’sane).