Umdlali waseMzantsi Afrika ophambili utyikitywe liqela laseSpain

By
Pedro Mapelo
-
Thembi Kgatlana of South Africa during the 2019 FIFA Womens World Cup match between South Africa and Germany on the 17 June 2019 in Stad Mosso, Montpellier , France Pic Sydney Mahlangu/ BackpagePix

Omnye wabadlali
abaphambili kwiqela lesizwe lamanenekazi, uThembi Kgatlana, ufumene ikhaya
elitsha kwiqela elikwilizwe laseSpain. Lo mdlali weBanyana Banyana utyikitywe
liqela ekuthiwa yiSD Eibar elidlala kwinqanaba eliphezulu, iLa Liga. Oku kwaziswe
liqela lakhe elitsha ngoLwesibini wale veki kwikhasi lonxibelelwano uFacebook.
Phambi kokuya kwiSD Eibar, uKgatlana udlalele amaqela afana neBeijing BG
Phoenix yaseChina, iHouston Dash yaseMelika. Ukuya kwakhe kwiindawo ezihamba
phambili ebholeni ekhatywayo eYurophu njengeSpain emva kokufumana iwonga
legowuli eliqaqambileyo kwizwekazi le-Afrika yonke (Caf Goal of the Year for
2018) kwiminyaka edlulileyo. Emva koko, uKgatlana, 24, uzenzele igama ngethuba
edlala umdlalo osemgangathweni ophezulu kwiNdebe yeHlabathi (2019 Fifa Women’s
World Cup) ebidlalwe kunyaka ophelileyo eFrance – apho wafaka khona igowuli
lokuqala laBanyana Banyana kwimbali yehlabathi nangona bengazange bakwazi ukuya
kwisigaba sesibini. Njengokuba ilizwe lixikixwa yikhorona, imidlalo yamaqela
amanenekazi kulindeleke iqale kwinyanga yoMsintsi ekukekeleni kwalo nyaka.

 

RELATED ARTICLESMORE FROM AUTHOR