UMicho akonelisekanga ngumdlalo weBucs izolo ebusuku!

Umqeqeshi we-Orlando
Pirates, uMilutin Sredojevic, akonelisekanga kwaphela yindlela iqela lakhe elidlale
ngayo izolo. Oku ukuthethe nakubeni iPirates ikwazile ukubetha iBloemfontein
Celtic ngamagowuli amabini kwelinye (2-1) kumdlalo we-Absa Premier Soccer
League obushushu ngeyona ndlela obubanjelwe e-Orlando Stadium ebusuku izolo. Amagowuli
wePirates afakwe nguMusa Nyatama kwisigaba sokuqala somdlalo no-Augustine
Mulenga wkuzeni kuphela komdlalo. Igowuli lobika leSiwelele Samasele lifakwe
nguLorenzo Gordinho.

Impumelelo igcine
eZimnyama ngenkani zikufuthela emagxeni weMamelodi Sundowns ehleli kwindawo
yokuqala kwiPSL. IPirates yiyo ekhawuleze yaluthathela kuyo ulawulo lomdlalo –
kodwa kodwa ukuvumela kwayo iCeltic ifake igowuli kuphantse kwayifaka engxakini
enkulu. UMicho uyichaze indlela iqela lakhe elidlale ngayo [izolo] njengeyona
yakhe yaphantsi kule sizini.

“Kwimidlalo
engaphaya kwamashumi amathathu anesihlanu, umhlawumbi lo ngowona ndingatsho
ukuba sidlale kakubi kuwo. Kunokwenzeka ukuba lo nto ibibangelwa luxinizelelo
lokuphumelela umdlalo – kodwa siza kuhlala phantse siwuhlalutye lo mdlalo,”
utshilo uSredojevic izolo kwiSuperSport TV.

Njengokuba isizini
isongwa nemidlalo icutheka, umqeqeshi uthi kunyanzelekile iqela lonke
liyiphucule indlela elidlala ngayo ukusukela emva ukuya phambili. “Kufuneka
sidlale ngcono emva, esiswini naphambili xa sihlasela ebaleni. Into encomekayo
ngomdlalo kukuba siphumelele qha. Bathe bakuphulukana nomdlali, siqonde ukuba
masityhale ngamadoda amahlanu phambili – lo nto isisebenzele. Sidlalise
uThamsanqa Gabuza emva kuba uHappy Jele uye wonzakala. Kufuneka sibe siqinile
xa sidibana neSuperSport United kumdlalo olandelayo,” uvale ngalo mazwi uMicho.