Umdlali siswini weMamelodi Sundowns, uTeko Modise, uthi ukubethwa kweMamelodi Sundowns kubangelwe kukungadlali kwabo kakuhle – kodwa watsho esithi iingqondo zabadlali zikwiCaf Champions League ngoku.
NgoMgqibelo odlulileyo iBidvest Wits ivuthulule iSundowns ngo’3-0 kumdlalo weMTN 8 Cup eMbombela Stadium.
“Elona qela ladlala kakuhle lilo elaphumelelayo. Indlela esidlale ngayo la mdlalo ibiphantsi kakhulu – iWits yiyo eyadlala ngcono. Kubuhlungu ukubethwa – kodwa akumelanga sizikhathaze ngalo nto. Olona vavanyo lunzima lolu sijongene nalo kwiCaf Champions League. Okubalulekileyo kuthi kukuvuthulula, siye phambili,” utshilo uModise kwikhasi lomnatha.
Amasandawana amkela iZamalek kumdlalo wokuqala weChamps League kwiveki ezayo eLucas Moripe Stadium.
-Pedro Mapelo
Liyoyikisa izinga lokunyamalala kwamadoda eGqeberha!