UModric uzixolise ngewonga elikhulu kwindebe yehlabathi!

UKapteni
weCroatia, uLuka Modric, uzixolise ngokugoduka nelona wonga elikhulu lomdlali kwindebe
yehlabathi ka-2018 ebibanjelwe eRussia emva kokuchongwa njengomdlali
obalaseleyo. Le ndedeba ibuyele ekhaya noogxa bayo bentywizisa emva kokubethwa
yiFrance ngamagowuli amane kwamabini (4-2) kumdlalo obubanjelwe eLuzhniki
Stadium ngorhatya izolo. UModric (32) ngomnye wabadlali abenze indima
ebonakalayo kwimidlalo esixhenxe edlalwe yiCroatia kwindebe yehlabathi. Kuloo
midlalo, wachongwa njengomdlali obalaseleyo kwemithathu wafaka namagowuli
amabini.

Nakubeni edlale
kakuhle uModric – kodwa akakwazanga ukwenza umahluko kumdlalo wokugqibela izolo.
Umdlali oselula ngokweminyaka, uKylian Mbappe, ugoduke newonga lomdlali
osemncinane oqaqambileyo kwindebe yehlabathi ka-2018. UMbappe (19) ube
ngumdlali wokuqala ofake amagowuli amane engaphantsi kweminyaka engamashumi
amabini ukusukela ngeentsuki zooPele. UMbappe oncede iFrance kwimidlalo yendebe
yehlabathi ufake amagowuli amane kwindebe yehlabathi ngokulinganayo no-Antoino Griezmann.

Iwonga lomdlali
oqhube kakuhle ezipalini lifunyenwe ngunozinti weBelgium – uThibaut Courtois. Kanti
iwonga lomdlali ofake amagowuli amaninzi lifunyenwe nguHarry Kane waseNgilane oye
ekhaya efumene amathandathu.

Abafake amagowuli kwindebe yehlabathi:

6: Harry Kane (England).

4: Denis Cheryshev (Russia), Cristiano Ronaldo
(Portugal), Antoine Griezmann (France), Romelu Lukaku (Belgium), Kylian Mbappé
(France).

3: Edinson Cavani (Uruguay), Diego Costa
(Spain), Artem Dzyuba (Russia), Eden Hazard (Belgium), Mario Mandzukic
(Croatia), Yerry Mina (Colombia), Ivan Perisic (Croatia).