UMolangoane usaziqeqesha neeChiefs

Umdlali siswini weChippa United, uJoseph Molangoane, kuthiwa uziqeqesha neqela lasePhefeni, iKaizer Chiefs, nangona bekumeluba useBhayi.

Kwinyanga ephileyo Isolezwe ladiza ingxelo ethi lo mdlali ufuna ukudlalela iChiefs kwaye kubonakala ngathi akazimiselanga kubuya ngamva kwisigqibo sakhe nangona iChippa United isithi ngumdlali wayo. Umphathi weeChilli-boys kuthiwa uthi basandisa isivumelwano sengqesho sikaMolangoane emva kokudlala kakuhle kwisizini yePremier Soccer League ka’2015/16.

Lo ngomnye wabadlali uDan Malesela ebengqiyame ngabo, kodwa ngoku iingxelo zithi lo mqeqeshi akasafuni kwanto imdibanisa nalo mdlali ngenxa yezi zimbo azenzayo. Qha ingxaki ke ngoku yiChiefs engekezi ngaphambili nemali efunwa yiChippa United. Okwangoku akukabikho sivumelwano phakathi kwala maqela mabini, kodwa ke anembali yentsebenziswano entle la maqela nangona lo mba kubonakala ngathi awuyiphethanga kakuhle iChippa United.

Ukuba akude kubekho sisombululo kunokwenzeka kungenelele iPSL ekugqibeleni.