Ikapteni yeMamelodi Sundowns, uRamahlwe Mphahlele, uphilile kumenzakalo wakhe, kwaye ujonge ngamehlo abomvu umdlalo weSundowns wangoMgqibelo kunye neKaizer Chiefs.
Ngokwengxelo ekhutshwe kwikhasi lomnatha leSundowns, uMphahlele ukulungele ukudlala. Oku kusemva kokuba waye waphoswa ngumdlalo wamagqibela kankqoyi weTelkom Knockout neChiefs. Khange akwazi ukudlala nakumdlalo wabo we-Absa premiership ne-Orlando Pirates wokuvala isizini. Umphahlele ebehlutshwa ngumenzakalo wakhe ethangeni.
U-Asavela Mbekile, nosele evela kudlala kwiMoroka Swallows nguye uwaye wathatha indawo kaMphahlele, kumdlalo weSundowns neChiefs. Nakumdlalo wabo nePirates nguye owabamba indawo kaMphahlele.ISundowns, nehleli kwindawo yokuqala kwi-Absa premiership izakudlala kunye neChiefs kumabala aseFNB. Lo mdlalo uzakuqala ngesiqingatha emva kwentsimbi yesibhozo ngokuhlwa. Abafana bakaPitso Mosimane, banamanqaku angamashumi amabini anesithandathu kwimidlalo elishumi elinesibini. Bayishiya ngamanqaku amahlanu iChiefs.
UMzantsi Afrika uza kongamela iG20: Kuthetha ntoni oko?