Umdlali siswini we-Orlando Pirates, uSifiso Myeni, uthi unethemba lokuba uyakuthi alifumane ithuba lokunceda iqela lakhe elizibhaqa lisendaweni embi kulo nyaka ka’2016.
Lo mdlali uchwethelwe ecaleni ebholeni ixesha elide ngumonzakalo omchane kunyaka ophelileyo.
UMyeni ngomnye wabadlali ebekuthenjelwe kuye kakhulu yiPirates phambi kokonzakala kwakhe. Izinto azisafani ngoba indawo ufike ithathiwe ngabanye abadlali.
“Kuyandiphazamisa engqondweni ukuhlala ngaphandle kokudlala ebaleni.
Ndikulungele ukulinceda iqela lam kulo nyaka mtsha. Ndaphila kwakunyaka ophelileyo,” ucatshulwe esitsho uMyeni ngamajelo eendaba.
Phantse yonke le sizini, iPirates, ayikayifumani indlela yayo iqhele ukudlala ngayo, yiyo lo nto iphakathi kwamaqela asezantsi kwiPSL.
Amabhakaniya azakudlala nePlatinum Stars umdlalo we-Absa Premier Soccer League wokuqala kulo nyaka e-Orlando Stadium ngomhla wethoba.
Ayakhala amafama aseMelika ngesigqibo sikaTrump