Iqela lesizwe loMzantsi Afrika lebhola ekhatywayo liya kumdlalo olandelayo lonwabile emva kokuphumelela umdlalo wokuqala. IBafana Bafana ibethe iBotswana ngo’2-0 kumdlalo obalulekileyo ohlakulela iCHAN namhlanje eFrancistown Stadium kwilizwe lasebumelwaneni. UStuart Baxter usebenzi abadlali abadlala apha eMzantsi Afrika kuphela nanjengoko injongo yale tumente ikukuphuhlisa okanye ukunika ithuba abadlali abadlalela amaqela azinze apha e-Afrika kuphela.
Igowuli lokuqala lifakwe yifolosi yeKaizer Chiefs, uRyan Moon, obeqala ngqa ukudlalela iBafana Bafana ebomini bakhe. Elesibini igowuli lifakwe nguGift Motupa kwisigaba sesibini. Nanjengoko iBafana Bafana ibiyiyo etyeleleyo, ikwayiyo eye kwixesha lokuphumla ihamba phambili. Kwisigaba sesibini ibe kukuwusonga nje umdlalo ngoba iBotswana ibingenawo amandla wokuwoyisa uMzantsi Afrika. Umlenze wesibini walo mdlalo uzakudlalelwa eMoruleng Stadium kwiveki ezayo umhla wamashumi amabini anesibini.
Botswana: Mwapule Masule, Thabo Leinanyane, Kaelo Kgaswane, Simisane Mathumo, Sylvester Leririma, Mosha Gaolaolwe, Kabelo Seakanyeng, Richard Legailwa, Hendrick Moyo, Tumisang Orebonye, Thero Setsile.
Amalalela: Anthony Gouws, Lemponye Tshireletso, Thabang Sesinyi, Tapiwa Gadibolae, Thatayaone Kgamanyane, Koagile Senwelo, Lemogang Maswena.
Bafana Bafana: Boalefa Pule, Siyabonga Nhlapo, Tercious Malepe, Mario Booysen (C), Mothobi Mvala, Riyaad Norodien, Teboho Mokoena, Sibusiso Kumalo, Cole Alexander, Ryan Moon, Gift Motupa.
Amalalela: Steven Hoffman, Sipho Mbule, Sphelele Ntshangase, Jamie Webber, Sandile Mthethwa, Malebogo Modise, Bonginkosi Ntuli.
UMalusi waseDutywa ubuye encumile kwiTCS London Marathon!