UMzantsi Afrika uzakwamkela iSri lanka kowovavanyo

Umbutho olawula iqakamba eMzantsi Afrika (CSA) ubhengeze amagama abadlali beProteas abazakungquzulana neSri Lanka kuluhlu lemidlalo yovavanyo.

Ikapteni yeKnights, uTheunis de Bruyn, kuphela komdlali ozakube eqala ukudlala kwiiProteas.

Le midlalo mithathu yovavanyo phakathi kwala mazwe mabini kulindeleke ukuba idlalelwe eSt Georges Park ukususela ngomhla we-26 ukuya kowe-30, kule nyanga yoMnga. Kuphinde kubuyelwe eNewlands, eKapa, ukusukela ngomhla wesibini ukuya kowesithandathu kweyoMqungu.

Lo mdlali uzakungena kwiProteas endaweni kaRille Russouw.

URussouw uphakathi kwabadlali abangatyunjwanga ngenxa yokonzakala, abanye abadlali baquka * -AB de Villiers, Dale Steyn noMorne Morkel.

UFaf du Plessis kulindeleke ibenguye ukapteni wemidlalo yovavanyo.

UWayne Parnell yena ongakhange aye e-Australia ngenxa yokonzakala yena uzakuphinda abuyele kweli qela lesizwe.

Ngokokutsho kukaLinda Zondi, umongameli wabatyumbi beCSA, uDe Bruyn, uzakuwongwa ngendawo kwiProteas ngenxa yokuzimisela kwakhe kwiqakamba yamaqela alapha eMzantsi Afrika.

isibhalo@inl.co.za