Umqeqeshi olibambela we-Orlando Pirates, uAugusto Palacios, wenza umsebenzi oncomekayo ukusukela oko wangena njengomqeqeshi.
Lo kaPalacios waba ngumqeqeshi kulandela ukuhamba kukaMuhsin Ertugral owalahla emva kokuhlazwa kwePirates yiSuperSport United ngo’6-1 kwiiveki ezimbalwa.
Ukusukela ngoko uPalacios uphumelele imidlalo emithathu nakwiTelkom Knockout uqhuba kakuhle. Ngoku iBhakaniya liphakathi kwamaqela aphambili kwiPSL.
NgoLwesibini iPirates igoduke namanqaku amathathu emva kokubetha iChippa United ngo’1-0 eNelson Mandela Bay Stadium. Iqela lika-Eric Tinkler, iCape Town City, linyukele phezulu emva kokubetha iMaritzburg United ngo’3-2. Ngoku iphikisana namanye aphala phambili kwiPSL.
Ibethe amaqela afana neMamelodi Sundowns, iChippa United neMaritzburg ngokulandelelana. Kanti yona i-Ajax Cape Town ifumene impumelelo yokuqala ngethuba ibetha iPlatinum Stars ngo’3-2 ngoLwesibini.
Iziphumo zeveki ephelelileyo: Highlands Park 0-1 Golden Arrows; Bloem Celtic 0-0 Polokwane City; Platinum Stars 0-1 Bidvest Wits; Ajax Cape Town 1-2 Maritzburg United; Orlando Pirates 1-0 Free State Stars; Mamelodi Sundowns 2-1 Kaizer Chiefs; Chippa United 1-2 Cape Town City; Baroka FC 1-1 SuperSport United.
IMIFANEKISO – EPWP: Imibhiyozo yeminyaka engamashumi amabini