UPauw noDa Gama bantingela eRio de Janeiro

Umbutho olawula ibhola ekhatywayo, iSAFA, ubhengeze ukuba uthumele umqeqeshi weqela labadlali abangaphantsi kwamashumi amabini anesithathu uOwen da Gama nomqeqeshi weBanyana Banyana, uVera Pauw, ukuba bayomela uMzantsi Afrika. NgoLwesine kubanjwa umsitho wothelekiso lwamaqela aza- kuthatha inxaxheba kwi-2016 Olimpiki eRio de Janeiro. Lo msitho uzakubanjelwa eMaracana Stadium.

UMzantsi Afrika lelinye lamazwe amathathu aza- kumelwa liqela lamadoda namantombazana xa kuqala imidlalo yeOlimpiki kwinyanga yeThupha.

“Le yinto ekhethekileyo. Sinamaqela azakusimela kwi-Olimpiki.

Ikamva lebhola yethu liqaqambile, kwaye injongo yethu yokuvezekisa iphupha lethu lika’2022,” utsho umongameli weSAFA, uDanny Jordaan. UJordaan uthi uqinisekile ukuba amaqela eli lizwe azakudlala kakuhle.