Ukuyekelela kwabanye abadlali beMamelodi Sundowns kunyanzele uPitso Mosimane ukuba akhusele uPercy Tau ophose amathuba kumdlalo obuphakathi evekini.
IDowns ibambene ngeqanda nePolokwane City, eLoftus Stadium ngoLwesibini odlulileyo. UPitso ukhala ngomthwalo osemagxeni kaTau osele edlale imidlalo emininzi.
“Siphulukene noVilakazi (owonzakeleyo), uBilliat usonzakele. UTau akafanelanga ukuba nguye onoxanduva lokukhokela iSundowns, mkhulu umthwalo. Ngabadlali abadala ekufanele bathathe uxanduva, ayenzeki lo nto,” utshilo.
NgoMgqibelo iSundowns idlala neKampala City kwiCaf Champions League. UPitso uzakufuna impumelelo emva kwempumelelo ka’2-1 eLucas Moripe kwiveki ephelileyo. IBidvest Wits yamkela i-Al Ahly kwiCCL ngo’15:30 eBidvest Stadium ngeCawe.
IPlatinum Stars ebethwe ngo’1-0 kodlulileyo umdlalo, yamkela iVipers kwiCCC ngoMgqibelo ngo’20:00. Yona iSuperSport United ebethwe ngo’1-0, yamkela i-Al Ahly Shendi eLucas Moripe ngo’18:00.
Ayivule ngendlela encumisayo Amakhosi isizini yeBetway Premiership!