URoger De Sa ugqibe kwelukuba alahle njengomqeqeshi
Iziphumo ezingancumisiyo zizo ezityhale le ndedeba ukuze ide ihambe kweli qela laseKapa.
“Ndibulela inkxaso yabaphathi be-Ajax, oogxa bam nabadlali ngokubanzi abandinike yona kule minyaka mibini enesiqingatha ndikweli qela. Bendonwabele ukusebenza nabadlali abasakhulayo. Bendisoloko ndinethemba lokuba sakude sifumane iziphumo ezincumisayo – kodwa akubanganjalo. Ndinqwenelela wonke umntu kuquka nabalandeli impumelelo,” utshilo uDe Sa kwikhasi lomnatha le-Ajax.
Nayo ingqonyela ye-Ajax, u-Efstathiou, imbulele uDe Sa ngokwenza umsebenzi omhle ngethuba engumqeqeshi we-Ajax.
Le ndedeba yakwaDe Sa iyinikela umva i-Ajax iphumelele indebe yeMTN8 kunyaka ophelileyo.
Abaphathi be-Ajax abalali buhlayo bakhangela umqeqeshi omtsha nozakuthi aphucule imeko elikuyo eli qela kwiPSL. Kunokwenzeka eli qela lijonge abaqeqeshi abafana noRuud Krol nabaziwayo kakhulu kwibhola yaseMzantsi Afrika ukuba alifumani mntu ofanelekileyo.
Luthatha lubeka usapho obeluthenjiswe ngoncedo kumngcwabo womzali ogetyengiweyo!