Umqeqeshi weKaizer
Chiefs, uGiovanni Solinas, uncome abadlali bakhe emva kokuzuza iwonga lomqeqeshi
wenyanga emini namhlanje eGoli. USolinas noKhama Billiat bathiwe jize ngewonga lenyanga
umntu ngamanye ngenxa yomsebenzi oncomekayo abawenze kwinyanga yoMsintsi
(September). Amakhosi aphumelele imidlalo emithathu ilandelelana kwinyanga
ephelileyo emva kokukhutshwa yiMTN 8. USolinas ebekhuphisana nabaqeqeshi
abafana noKaitano Tembo weSuperSport United, uJosef
Sredojevic we-Orlando Pirates kwiwonga le nyanga.
“Ndingathanda
ukuncoma iqela nabadlali njengokuba ndifumene eli wonga. Ngabo abasebenzileyo.
Ndinethamsanqa elikhulu ngoba ndinabadlali abesemgangathweni ophezulu. Kwakhona
ndiyaphinda, kunje ngenxa yabadlali,” utshilo uSolinas. Amakhosi
abethe
ngamagowuli amane kwelinye, alandelisa ngokubetha iFree State Stars ngamagowuli
amabini eqandeni naMaZulu ngo’2-0. Lo midlalo yathatha iChiefs yayibeka
endaweni entle phakathi kwamaqela aphezulu kwiPSL.
“Abadlali
bayalihlonela iqela kwaye yeyona nto esezingqondweni zabo. Ndifuna unixelela
into enye ngoKhama. Wonke umntu ufuna ukudlala eYurophu – kodwa akusinguye
wonke umntu oyakuya khona. UKhama angadlala eYurophu,” utshilo uSolinas. Emva kokudlala
ntanganye ngeqanda macala, iChiefs iya kumdlalo olandelayo ifuna amanqaku
apheleleyo. Amakhosi aza kudlala
Premier Soccer League ngentsimbi yesithandathu ngorhatya eMoses Mabhida
Stadium.
UMalusi waseDutywa ubuye encumile kwiTCS London Marathon!