Iindaba ezingenayo ngale ntsasa zithi iKaizer Chiefs imkhombise umnyango umqeqeshi wayo uStuart Baxter namhlanje. Ukuhamba kukaBaxter kuza emva kokungaqhubi kweChiefs phantse isizini yonke yeDStv Premiership nangona bekukho abadlali abatsha abathengiweyo ekuqaleni kwayo. UBaxter ugaleleke eNaturena kunyaka ophelileyo phambi kokusongwa kwesizini yeDStv Premiership ka-2020/21. Wayokubizwa eYurophu emva kokugxothwa kukaGavin Hunt – naye ohambe ngenxa yeziphumo ezibi noxa yena wasebenzisa abadlali awafika bekhona.
Ukugxothwa kukaBaxter akothusanga ngoba abalandeli bebesoloko befuna ahambe ngenxa yeziphumo ezibi nokungabadlalisi abadlali abancinane beChiefs abadlale kakuhle phantsi kukaGavin Hunt. Kwiveki ephelileyo emva kokubethwa kweChiefs ngo’1-0 yiSuperSport United emdlalweni obuseFNB Stadium, uBaxter uxelele iintatheli ukuba angahamba xa kukho ilizwi elitshoyo elisuka kuMnu. Kaizer Chiefs Motaung. Noxa iChiefs ingekalikhuphi ilizwi, iindaba sele zither tshitshilili kumajelo eendaba eMzantsi Afrika.
Useziseleni uGogo Maweni!