UTapelo Xoki uthi iPirates ifuna ukuziphindezela kwiChiefs ngomso
Ngokutsho komdlali wasemva, uTapelo Xoki, abadlali be-Orlando Pirates baya emdlalweni wangomso befuna impindezelo kuphela. IPirates etshatshele kwiMTN8 Cup kwiveki ephelile, ibethwe yiKaizer Chiefs phambi koko ngo’1-0 emdlalweni weDStv Premiership obubanjelwe eFNB Stadium kutshanje. Umdlalo ophakathi kwePirates neChiefs usoloko unomtsalane ebantwini ngoba ngawona maqela anabalandeli abaninzi ebholeni yaseMzantsi Afrika. UXoki uthi okwenziwe yiChiefs kwiiveki ezimbalwa ezigqithileyo akukalityalwa yiPirates. “Ngumdlalo omkhulu futhi owaziwa ngumntu wonke. Bavotile abalandeli kwaye siyayibulela kakhulu inkxaso yabo,” utshilo uXoki, ongene endaweni kaSibisi emdlalweni weveki ephelileyo.
“Amalungiselelo omdlalo ahamba kakuhle kakhulu. Iingqondo zethu sizibeke emdlalweni kwaye siza kuzama ukubuyisa isixhiba emva kokubethwa kwiiveki ezimbalwa ezigqithileyo. Abadlali abafana noXoki baza kufumana ithuba lokudla umdlalo wedabi laseSoweto okokuqala. Abadlali bePirates baya kwiCarling Black Label kumnandi kubo kakhulu emva kokuthatha indebe yeMTN8 kwakho. “Siye sawubukela umdlalo obuphakathi kwePirates neChiefs. Senze njalo ngoba sizama ukubangula iindawo ezibe yinkathazo. Sifuna ukuqiniseka ukuba yintoni ingxaki esibethileyo emdlalweni ogqithileyo,” utshilo uXoki.
Amaqela amaninzi adla ngokugqwidiza emva kokuzuza indebe – kodwa uXoki ubetha ngenqindi phantsi ngelithi ngeke yenzeke lo nto emdlalweni wangomso. “Ekungeneni kwethu enkundleni yokuziqeqesha, indelelo iye yaphela. Kuphelile ngokubhiyozela indebe yeveki ephelileyo ngoku. Iingqondo zethu kufanele zisilungiselele kakuhle. Asikwazi ukucinga ngokwenziwe kwiveki ephelileyo ngoba sinethemba lokufumana ithuba lokuzilwela siyibethe iChiefs,” utshilo uTapelo Xoki. Onke amaqela aza kulwela ukuthatha indebe ngomso. IMamelodi Sundowns iza kudibana naMaZulu abethwe kwiMTN8 Cup. URomain Folz uza kuzama ukulwa kuze AmaZulu akhe afumane ithuba elicacileyo lokuphakamisa indebe ukusukela ngo-1992 uMzantsi Afrika usakwaywe ngamanye amazwe ngenxa yenkqubo yengcinezelo.
Silungiselela ukukhusela indebe yethu kwiWafcon, utsho uDesiree Ellis