Umqeqeshi weSuperSport United, uKkaitano Tembo, uzingomba isifuba ngomsebenzi owenziwe ngabadlali bakhe abasakhulayo nangona iqela lakhe libethiwe emdlalweni ebeseliwufumene. Amatsatsantsa a Pitori, abethwe ngamagowuli amathathu kwamabini yiPirates, aphise ngomdlalo weDStv Premiership sele usesandleni izolo e-Orlando Stadium. UKegan Johannes ubhakuzelise umnatha emzuzwini wesine kwisigaba sokuqala. Elesibini lifakwe nguGamphani Jones Lungu emzuzwini weshumi elinesibhozo. Phambi kokusongwa kwesigaba sokuqala, iPirates ifumene iipenela ezimbini ezifakwe emnatheni nguDeon Hotto.
Akubangakho qela elikwazileyo ukusebenzisa amathuba avele emdlalweni kwade kwaphela imizuzu engamashumi alithoba omdlalo. Kuthe xa umdlalo ungena kwixesha elongezwe ngusompempe, uGoodman Mosele utsale intambula yebhola ethe qelele yayohlala emnatheni. Ngalo ndlela, iPirates ifumene amanqaku amathathu – kodwa isahleli kwindawo yesine. Iqela likaKaitano Tembo lilahlekelwe ngumdlalo ngexesha elibi ngenxa yeempazamo ezimbini ezenziwa ngabadlali endaweni embi. Ubakhusele kodwa umqeqeshi abadlali bakhe ngelithi kuninzi okuncomekayo abuye nako emdlalweni. “Isiqalo sethu besisihle kakhulu,” utshilo uTembo ethetha noSuperSport TV emva lkomdlalo.
“Sikwazile ukuyicinezela iPirates yade yenza iimpazamo eziqandusele amagowuli. Kuba nzima kodwa xa izigqibo zikasompempe zisoloko zibetha icala elinye. Kwenzeke lo nto emdlalweni ebekufanele kukho into esiyifumeneyo kuwo. Bekufanele ukuba senze ngcono phaya emva – kodwa nsiyaziqhenya ngendlela abadlale ngayo abafana bam. Bazenzile abadlali iimpazamo – kodwa kufuneka sibathembe ukuze bakhule. Ukuba singadlala kanje, siza kuphumelela imidlalo emininzi. Besikufuna ukuphumelela. Akubanga njalo – kodwa ke siyaphambili,” utshilo uTembo emva komdlalo.
Ababezenza amapolisa baphanga usapho, baqhotsa batya inyama yabo!