I’solezwe lesiXhosa lincokole nomlandeli omkhulu weOrlando Pirates. Kolu dliwanondlebe uZoliswa Galo usixelela ngendlela yakhe njengomlandeli nezinto anethemba lokuba zakuzuzwa liqela lakhe elinethuba elide linqatyelwe ziindebe.
Nondwe Tyilo: Leliphi iqela olilandelayo kwiPSL kwaye uqale nini ukulilandela?
Zoliswa Galo: Iqela endililandelayo yiOrlando Pirates. Ndiqale ukuyilandela ngoku sendikumabanga aphezulu esikolweni.
NT: Ngubani umdlali omthandayo, iyintoni ebangela umthande?
ZG: NguVincent Pule. Into ebangela ndimthande kukuba uthobekile, akabaleki kodwa iibhola zakhe ziyabaleka kwaye ufike wabalasela kwindlela edlalwa ngayo ibhola kwiPirates.
NT: Ingaba yintoni oyinqwenelela iqela lakho kule sizini?
ZG: Ndinqwenela badlale ibhola efanayo, umdlalo ude uyokuphela ngoba kwimidlalo emibini edlulileyo khange badlale ngokuzinikela.
NT: Ngokolwakho uluvo, unalo ithemba lokuba ningafumana noba inye indebe?
ZG: Ewe, ndinalo ithemba ngoba bayadlala. Zizinto ezincinci apha naphaya ezifuna ukulungiswa kwaye ndinethemba kumqeqeshi uMicho uza kuzilungisa.
NT: Yintoni oyinqwenelayo kumqeqeshi?
ZG: Kukuba umqeqeshi akwazi ukudibanisa abadlali bakhe ngokwendlela abadlala ngayo.
NT: Ukuba ubungumqeqeshi, ngabaphi abadlali ubunokubachonga?
ZG: UMpontshane, Shitolo, Jele, Maela, Thopolo, Mintambo, Mlambodihno, Nyatama, Pule, Shonga, Mulenga.
Kubhubhe abayi-45, konzakala omnye kwingozi yebhasi eLimpopo