Wathenjiswa ngemfumba yemali, ngelishwa ikamva lakhe liyaphasalaka ngoku

By
Pedro Mapelo
-
George Lebese of Supersport United during the Absa Premiership 2018/19 match between Mamelodi Sundowns and Supersport United at the Loftus Versveld Stadium, Pretoria on the 17 April 2019 ©Muzi Ntombela/BackpagePix

Izinto
azihambeli kakuhle konke konke umdlali webhola ekhatywayo owayefudula edlalela
iKaizer Chiefs neMamelodi Sundowns. Lowo mdlali nguGeorge Lebese osukela iinyanga
ezintandathu engasayikhabi ibhola ngenxa yokudinga iqela anokulidlalela.
ULebese ukhululwe yiSundowns phambi kokuqala kwesizini yePremier Soccer League
ka-2019/20 emva kokungadlaliswa kwakhe nguPitso Mosimane. Kutshanje, uLebese
uphalaze imbilini yakhe kwiMarawa TV ngokwenzekileyo kwiSundowns nangokusokola kwakhe ukufumana iqela
anokulidlalela eMzantsi Afrika. ULebese wathathwa yiDowns kunyaka ophelileyo
kwiChiefs emva kokuthenjiswa kwakhe ngemfumba yemali. Ngelishwa lakhe, izinto
zange zimhambele kakuhle. Kwaye kwabolekiswa ngaye kwiSuperSport United eye
yambuyisela kwiSundowns ekupheleni kwesizini ka-2018/19 nangona kwakukho
ithemba lokumthatha ngokupheleleyo.

Iingxelo
ezijikeleze kumajelo endaba kule veki zithi AmaZulu, ebekucingeleka okokuba
angamathatha, agqibe kwelokuba angabisamthatha. Isizathu sawo asikacaci kakuhle
okwangoku. Kwiinyanga edlulileyo, AmaZulu atyikitye abadlali ababini abebefudula
bedlalela Amakhosi: uTsepo Masilela noMario Booysen. ULebese uxelele iMarawa
TV okokuba waye
kwiSundowns emva kokuthenjiswa ngemfumba yemali kwaye ngoku akalifumani iqela
ngoba kukho abantu abahambe besithi ufuna imali eninzi. ULebese ngomnye
wabadlali bebhola ekhatywayo abanesiphiwo sokudlala ibhola esingummangaliso.
Ukudinga kwakhe iqela yilahleko kwikhola yaseMzantsi Afrika. Kwiinyanga
ezigqithileyo, bekukhe kwakho amahum-hum athi u-Itumeleng Khune nabalandeli
bafuna uLebese abuyele kwiChiefs – kodwa uBobby Motaung wayikhaba lo nto
njengento engasoze yenzeke.

 

 

RELATED ARTICLESMORE FROM AUTHOR