Phela phela ngantsomi!
UMzansi Magic ubhengeze ukuba umdlalo kamabonakude ozinze eGqeberha, eMpuma Koloni, iGqeberha: The Empire ufikelela esiphelweni emva nje kweesizini ezimbini.
Kwingxelo, uMlawuli wezitishi zolonwabo zakweli kuM-Net, uShirley Adonisi, uncome iqela elisebenza kulo mdlalo kamabonakude.
“Sidlulisa umbulelo wethu osuk’ entliziyweni kubavelisi, abadlali, kunye nabasebenzi beGqeberha: The Empire. Ukuzinikela kwabo okungagungqiyo kunye netalente ekhethekileyo idale amabali amangalisayo kwelinye lawona maxesha axakekileyo kumabonakude. Njengoko sisondela esiphelweni, sijonge ngamehlo abomvu ukubona incopho yolu hambo lumangalisayo,” utshilo uAdonisi.
UAdonisi ukwavakalise umbulelo ongazenzisiyo kuRhulumente wePhondo leMpuma Koloni ngenkxaso yakhe ebalulekileyo, encede ukuveliswa kwalo mdlalo kamabonakude ukuba uchume.
Lo ka-Adonisi uqaqambise umsebenzi oncomekayo wenkampani evelisa imidlalo kamabonakude ephumelele iimbasa ezininzi, iTshedza Pictures, kunye nabo bonke abadlali nabasebenzi. Uthe umsebenzi wabo ugcine ababukeli benomdla ukusukela oko kwathi kwasungulwa lo mdlalo kweyoMqungu ka2021.
UMzansi Magic uthe abantu mabangaxhalabi nanjengoko bethembisa ukuvelisa imidlalo kamabonakude ekumgangatho ophezulu ezakwenza abantu bathi nca koomabonakude babo.
Lumka Oliphant: ‘Yekani utywala’