Kumabonakude wakho kule veki

Isidingo

Ukugaleleka kukaTyson engalindelwanga akumhlalisi kakuhle uLincoln.

UJean-Marc ubanomsindo nomona xa uAngie ekhusela uCalvin. ULincoln otyiwa yinto emtyayo uzama ukunika inkcaza kumsitho wokubhiyoza kwaSibeko, ukanti uTyson utyhola uLincoln ngokuxhaya uKatlego, nalapho uLincoln avumayo ukuba nguKatlego owamqhubela kuloo meko.

USamantha wanga uRajesh emsebenzini. Ulincoln wenza oko anako ukwahlukana nosapho lakulo Katlego. UCalvin ufumana umceli mngeni ovela kuSechaba.

Muvhango

UMatshidiso akonwabi xa efumanisa ukuba uNdalamo noNthabeleng basezithendeni zakhe.

Ubomi bukaNthabeleng busengozini. UVele ufumana oko ebekunqwenela, koko noko kunjalo akakuthandi. UThandaza uyahamba, aze athabathe uDakalo. UMatshidiso ubuyela kuNomarashiya ngoncedo lokuvala umlomo kaNdalamo.

Ibabuhlungu intliziyo kaThandaza xa ebuyela kwindawo yecawa nalapho afika kukhala ibhungane. UNthabeleng ufika neenkcukacha ezintsha kuNdalamo ezinokuba luncedo ekubambeni uMatshidiso.

Scandal

UThembeka ubuzwa ngobungqina obunokuthetha ukuba ubomi bakhe buzakutshintsha unomphelo.

UGontse uziva enyanzelekile ukuba enze isigqibo esingamonwabisiyo. Kukho othile olahla isitha sakhe phantsi kwebhasi, ukanti kubanjwa othile esidlangalaleni. Ukuphoxeka kukaLindiwe kubangela ukuba ummelwane angenelele ukusindisa usuku.

Amazwi ekudala ewalangazelela uLucas uwenza kumntu ekudala ezama ukuba amsondeze kuye. UThembeka uyazivumela ukuba abenethemba.

Rhythm City

UBongi ufuna ukugxotha uLungile. Usapho lukhathazekile ngoKop, ukanti ufumana intuthuzelo kuSis Bee uKop.

UDoc uthabatha icala lika- Bongi, ukanti uLungile uxoxisa uBongi nogqiba ekubeni akhuphe unxunguphalo lwakhe ngotywala. UBongi ugaleleka kwindawo yokushicilela umculo enebhabhalaza. ULerato uthi, ingathi eli ingalelona xesha lililo lokuba uBongi aye kuzihlalela.

UStone noTshidi abamfumani uKop kwiindawo zonke ebebemcingela kuzo. Ukop ubeka phantsi unyawo xa kufikwa kuTshidi, ukanti yena uTshidi unesicelo kuKop.

Generations

UTebogo ugqiba kwelokuba lixesha lothando olungacengiyo. UMax akonwabi xa intokazi yakhe iphinda itsala iintambo.

ULucy wonwabile nanjengoko ede wafumana ukuqatshelwa. uGetty ucinga ukuba uGadaffi nguye impendulo kwiingxaki zakhe. Kukhona ofuna ukuba yinxalenye yomdlalo wePoker, kodwa kweli lixa ngowasetyhini. Amanye amantombana asekuhlaleni axabana ngoWandile.

Umphandi uZondi utyelela uJack ekwimo embi. Ukarabo uzimisele nanjengoko ekhupha umpu kwindawo yovalelo. UGetty ukhathazekile.