Kumabonakude wakho kule veki

Isidingo

Usapho lakwaZondile aluboni ngaliso linye, ukanti nesidlo asincedi nto ukubuyisa uthando. Unikwa uphuma-phele emsebenzini uSamantha.

Ukuncwaswa kukaSizwe nguMorongwa kubanobungozi. UBarker usezithendeni zikaGabriel, ezama ukuqonda isizathu sokuba abuye. USamantha uyaqhubeka netyala lesincwaso ngakuRajesh.

UMorongwa akabuyi ngamva kwisincwaso sakhe ngakuSizwe.

UGabriel uzama ukuba uSizwe abeyinxalenye kushishino lwakhe, esebenzisa uMorongwa. USechaba uyasola ukuba uKamohelo ikhona into aphezu kwayo.

Generations

UTshidi uzama kangangoko anako unqanda ukubulawa kothile ukuba kungenzeki. UMazwi ukulungele ukuveza ubudlelwane bakhe kwihlabathi. Imfihlo enkulu kaLucy iselubala.

USmanga kumele afunde ukuyinqwanqwada indlela aziva ngayo. Ukarabo ugqiba kwelokuba athabathe icala lobumnyama. Ingaba uLesedi uya emthanda uWandile?

Amandla anawo uMazwi aya emenza ukuba alambele okukhulu. UCosmo uzimisele ukulahlekelwa yimali ukuze akhusele usapho lwakhe. USmanga uziva eyedwa. Akakuthandi uJack okuthethwa ngomtyeleleyo.

Muvhango

Isimo sikaThandaza siya sisiba mandundu. UJames ufuna uNthabeleng amxelele inyaniso ngendlela aziva ngayo ngoNdalamo.

UTifhelimbilu ingathi uya emthanda uVhangani, ukanti akaphatheki kakuhle xa ebona uVhangani nomnye umntu wasetyhini. UNthabeleng wenza iinzame zokugqibela ukuzama ukusindisa ubudlelwane bakhe noJames.

UPheko noThandaza bayangana. UJames ufuna ukwazi ukuba umfanekiso kaNthabeleng noNdalamo bekunye wawenziwe ngabom.UVele utyhola uFhleli ngokuthutha iindaba.

Scandal

ULucas wenza isivumelwano nothile, ukanti uDintle unexhala lokuba uMangi kungenzeka ukuba ubeka ubomi bakhe engozini.

UScelo ukholewa ubuxoki, nakuba engaqinisekanga. uNdumiso wenza isithembiso kuGontse, kodwa kuyacaca ukuba akananjongo zokusigcina. Izinto azintlanga kuThembeka, kodwa ucinga ukuba iqhinga elikrelekrele lingenza izinto zibe ngecala lakhe.

UPhumla uthetha ubuxoki emapoliseni nobufaka uScelo engxakini. Wothuswa bubuxoki uScelo, ize inyaniso imvise ubuhlungu. UGloria ubona ithuba lokwenza imali.

Rhythm City

UNiki ubanexhala xa efumanisa ukuba impelesi yakhe ayimhoyi uBusi. USakhile noZinzi bayathandana. UDolly udubula uDavid.

UDoc ufuna uZinzi ohlukane nokubonana noSakhile. USuffo ugxotha impelesi. Ufumana ubunzima uReneilwe bokujonga indlu yakwaKhuse, afunde kwaye aphangele. USelina uxela imfihlo kaZinzi kuLerato, yena oxelela uDoc, aze kamva agxothwe.

ULerato wohlukana noDoc, ukanti oku akumphathi kakuhle uDoc. UPuleng kumele ajonge umntwana kaNiki. UZolani uzinikela ekuncedeni uReneilwe ukuze abenako ukulwa uDoc neRed.