IIMVUMI zoMzantsi Afrika uBlack Coffee, uCassper no-AKA bachongelwe kwiimbasa ze-2016 BET Awards kwibakala le-Best International Act: Africa. Ezi mvumi ziphakathi kweemvumi ezisibhozo ezichongelwe kwezi mbasa.
UWizkid owaphumelela kwezi mbasa ngo-2012, nemvumi yeAfro-pop uYemi Alade, ngabo abamele ilizwe laseNigeria.
UDrake ukhokele kuluhlu lwabachongwe kulo nyaka ngokuthi afumane ingqwalasela kumabakala asithoba kuquka iBest Male Hip Hop Artist, Video of the Year, Best Collaboration njalo njalo. UBeyonce kunye no-Rihanna bachongelwe kumabakala amahlanu umntu emnye, kuquka ibakala leBest Female R&B/Pop Artist, Video of the Year phakathi kwamanye. Ezi zimbasa zeshumi elinesithandathu ze-BET, neziza- kubase Microsoft Theatre, eLos Angeles, eCalifornia nge-26 kaJuni/Silimela kwiDStv Channel 129.
Uluhlu oluchongelwe kwiBest International Act: Africa ngaba: AKA (Mzantsi Afrika) BLACK COFFEE (Mzantsi Afrika) CASSPER NYOVEST (Mzantsi Afrika) DIAMOND PLATNUMZ (Tanzania) MZVEE (Ghana) SERGE BEYNAUD (Cote D’ Ivoire) WIZKID (Nigeria) YEMI ALADE (Nigeria)
iMamelodi Sundowns inyathele iMpheni Defenders emdlalweni weNedbank Cup