UChris Brown ubuyela eMzantsi Afrika!

UCHRIS Brown, noyimvumi yomculo we-R&B ubuyela eMzantsi Afrika ngenyanga yeKhala.

UBrown, uzakube etsholoza kwiMother Of All Parties ezakubanjelwa eKings Park Stadium eThekwini ngomhla we-2 kweyeKhala/Julayi. Le khonsathi izakubanjwa ngempelaveki enye neDurban July. Kulo mcimbi, kulapho sakubona uChris Brown esabelana ngeqonga neemvumi zeli nezangaphandle.

Amatikiti esi siganeko aqala kwi-R450, aze lawo akwibakala le-golden circle axabise i-R750.

Abalandeli bangathenga itikiti le-VIP lounge, neliquka iVIP Parking, indawo ekhethekileyo kwindawo yentselo, i-waiter, indlu yangasese kwakunye nokungena kwisango labucala ngexabiso le-R1800.

Amatikiti ayathengiswa ukuqala ngoLwesibini (24 kuCanzibe) eComputicket.

isibhalo@inl.co.za