UMSASAZI weenkqubo zeMidlalo kuMhlobo Wenene FM, uPutco Mafani kulindeleke abuyele emsebenzini ngoLwesithathu emva kokunqunyanyiswa.
UMafani unqunyanyiswe emva kokusabalala kwevidiyo embonisa egwencele phezu kwetafile yeSABC ejuxuza.
“SiyiSABC siyangqina ukuba uMnu Putco Mafani ubekelwe bucala kwiinkqubo zoMhlobo Wenene FM de ibe nguLwesithathu umhla wama27 kweyoMqungu.
Ngenxa yemiqathango, eli qumrhu alikwazi kwabelana noluntu ngemicimbi ephathelene nomqeshi,” kuphawula uGugu Ntuli weMicimbi yezeMisebenzi neeNtengiso eSABC.
UMafani ubhale kwikhasi lakhe likaFacebook ecela uxolo kubalandeli , usapho noogxa bakhe kuMhlobo Wenene ngesenzo sakhe.
UMafani ulandela ezinyaweni zomsasazi weMetro FM, uDineo Ranaka, oye naye wanqunyanyiswa yiSABC ngenxa yokujayivela phezu kwetafile yestudiyo esenza Umlando Dance Challenge engundabamlonyeni.
iSundowns ingombe iSibanye emdlalweni obutaka iintlantsi eLoftus Stadium!