Igqala lomdlali kamabonakude weli loMzantsi Afrika uConnie Chiume ubhubhele esibhedlele namhlanje eneminyaka engamashumi asixhenxe anesibini (72).
Usapho lwakhe luziqinisekisile iindaba zokusweleka kwakhe. “Usapho lakwaChiume lulusizi ukunazisa ngokusweleka komdlali kamabonakude odume kwihlabathi nophumelele iimbasa uConnie Chiume.
“UConnie Chiume, 72, ubhubhele kwisibhedlele saseGarden City namhlanje, umhla wesithandathu kweyeThupha ka2024. Usapho lucela ukuba lunikwe ixesha lokuba lodwa ngeli xesha lobunzima. Usapho luzakunxibelelana ngeenkcukacha ezithe vetshe ekuhambeni kwethuba,” lutshilo usapho kwingxelo.
Lo mdlali kamabonakude udlale kwiifilimu ezininzi nakwimidlalo kamabonakude. Ezinye iifilimu athe wadlala kuzo yiBlack Panther, Blessers kunye neBlack Is King. Eminye yemidlalo kamabonakude adlale kuyo iquka iZone 14, iRhythm City neGomora.
Ushiya ngasemva abantwana abane.
UNasreddine Nabi uthi uyayazi into efunwa ngabalandeli beKaizer Chiefs!