BONES OF MY BONES – Ucinge kakuhle! Lo ngumdlalo onokwenza nezothando kunye nokuzimanya ngeqhina lomtshato kwabo bathandanayo.
Lo mdlalo uneziqendu ezilishumi elinesithathu kwaye ubhalwe nguSipho Xolisa Tshapu inzalelwane yeMpuma Koloni esele isaziwa ngokubhala imidlalo kamabonakude eliqela efana neSkeem Saam, Muvhango, Isidingo neminye emininzi.
Lo mdlalo ujikeleze iinzwana ezine ekudala zaba zizihlobo kususela ebuntwaneni. IBones of my Bones ilandela ubomi bala madoda mane nanjengoko exakene nobomi bemihla ngemihla, bekwafumana uxinzelelo kubudlelwane bawo kunye namanenekazi anelizwi.
Lo mdlalo uzimisele ukubonisa ukuba kuthetha ntoni ukuthanda umntu kwaye uzimisele nokumenzela nantoni na, kananjalo nemizamo yokumelana namadabi eza nobudlelwane obo, umbhali oyintloko walo mdlalo uTshapu uxelele I’solezwe.
Kwisiqendu sokuqala namhlanje, sigagana nomtshato omkhulu ophakathi kukaKgotso noKeitumetse ozakulandelwa yidrama engumangaliso kwelinye icala.
Abadlali abaphambili baquka:
Solomon Sebothoma odlala uKgotso
Aubrey Poo odlala uKarabo
Kabelo Moalusi odlala uMokau
Kgaugelo Mosomane odlala uNeo
Mmatima Moremi odlala uThembi
Gontse Ntshegang odlala uKeitumetse
Nthati Thomas odlala uPuleng
Tango Ncetezo odlala uMasego
Batsile Ramasodi odlala uThabiso
Clementine Mosimane odlala uMa Mohlala
I-Bones of my Bones ikwi-SABC 2 ngo-21:30
Kuvulwe isikolo esixabisa iR106-million KwaMaxhama