Iindaba

Kukho nePolisa kwimizimba emithathu efunyenwe kwindawo yexhwayelo eBhayi

Abongile Ginya|Published

Kubhubhe ababini abasetyhini kwakunye nePolisa elinye eCentral eBhayi kudubulwano olwenzeke kusasa ngoLwesihlanu.

Image: Umfanekiso ogciniweyo

AmaPolisa aseMpuma Koloni azingqinile iingxelo zokuba kukho nomzimba wePolisa kwimizimba emithathu efunyenwe eCentral eBhayi kusasa ngoLwesihlanu. IPolisa (32), elidutyuliweyo belisebenza kwisikhululo samaPolisa saseAlgoa eBhayi.

AmaPolisa aseHumewood abizwe kwindawo yolwaphulomthetho kwangentsasa kwisitalato iGordon Terrace eCentral nalapho afike ehlangatyezwa yimizimba emithathu eyamakhosikazi amabini engaziwayo iminyaka yawo kwakunye nendoda (32) enye, le mizimba inamanxeba okudutyulwa.

ULieutenant Colonel Siphokazi Mawisa uthi ityala livuliwe nophando luyaqhuba nanjengoko unobangela ungekaziwa.

UMawisa uthi amagama amaxhoba azakaziswa xa nezihlobo sele zazisiwe nanjengoko kusekutsha.

AmaPolisa abongoza intsebenziswano eluntwini malunga nesi siganeko senzeke eCentral.