Indoda enamashumi amathandathu ananye (61) ubudala kunye nowasetyhini onamashumi amathathu ananye (31) ubudala babhaqwe kwityotyombe elikwisitalato iPompana, eTiryville, eKariega, eGqeberha, benamanxeba okudutyulwa kwaye bebhubhile ngentsasa yangoMvulo, ngomhla weshumi elinanye (11) kuNovemba 2024.
Ukufika kwamapolisa, akhawulelwe ngumbono womzimba wale ndoda nofunyenwe unamanxeba okudutyulwa emzimbeni, logama lo wasetyhini unamanxeba okudutyulwa entloko, ngokokutsho kwesithethi samapolisa uCaptain Andre Beetge.
Amapolisa afuna naluphi na ulwazi olungakhokelela ekubanjweni kwabarhanelwa abenze esi senzo singenalusini.
“Abarhanelwa kunye nesizathu sokubulala kusaphandwa. Ityala lokubulala (amatyala amabini) livuliwe kwaye liyaphandwa liqela lamapolisa elijongene namatyala anobuzaza iSAPS Provincial Serious Violent Crime Investigation team (SVCI),” utshilo uBeetge.
Nabani na onolwazi olunokunceda amapolisa kolu phando angaqhakamshelana negosa eliphandayo kwiSVCI, uDetective Warrant Officer John Lourens ku-071 352 4706 okanye atsalele iCrime Stop ku-08600 10111.
Kubanjwe abarhanelwa abangama84 kwisithili saseSarah Baartman