Amapolisa aseMthatha abambe amadoda amane aphakathi kwamashumi amabini (20) ukuya kumashumi amahlanu (50) ubudala, emva kokuba ethe ahlaba abulala abafana ababini, abanamashumi amabini anesibini ze owesithathu wabalekiselwa esibhedlele.
Oku kwenzeke ngentseni yangoLwesithathu umhla wesihlanu kwilali yaseSibangweni kude kufuphi nakwidolophu yaseLibode.
Iingxelo eziphuma kwisithethi samapolisa ala mmandla uLt Col Mzukisi Fatyela zithi, amaxhoba la abhubhileyo abhaqwe sele ebhubhile kwindlu ebekuyo eSibangweni. Unobangela wokubulawa kwabo awukaziwa okwangoku, kwaye usaphandwa ngamapolisa. Owesithathu kubo usekwimeko embi esibhedlele.
UFatyela uthi, abarhanelwa ababanjiweyo bazakuvela kwinkundla yamatyala eLibode ngoLwesihlanu (ngomso) ngezityholo abajongene nazo zokubulala.
Ababezenza amapolisa baphanga usapho, baqhotsa batya inyama yabo!